अविष्कार

पहिल्यांदा पाहिलं तुला
आणि चक्रावूनच गेलो
मग सारख पाहत तुला
तुझ्या मध्येच हरवून गेलो

दोन शब्दही न लिहिणारा मी ,
तुझ्या साठी चार ओळी लिहू लागलो
चेहरयामध्ये  तुझ्या ,
माझ्या स्वप्नातल्या परीला पाहत राहिलो

मदिरा हून हि नशिले,
तुझे मादक डोळे
गोरे पान गाल तुझे जणू
कापसाचे बोळे.

शिल्पकाराच्या शिल्पाहूनही ,
रेखीव तुझ्या भुवया
बाभळीच्या देठाहून ,
तुझी नाजूक काया 
 

जेव्हा उडतात तुझे
वाऱ्यावरती केस रेशमी
वाटत खेळावं त्यांच्याशी
बेभान वर बनुनी मी

ठेवतेस "त्याना" हळूच सावरून
कानामागे दडवून
व्हाव वाटत ,कान मला
आणि पहाव तुला जवळून

आकाशातला चंद्रही ,तुझ्या
चेहऱ्याकडे पाहून उजळतो
कोरीव ओठांचा गुलाबी रंग
गुलाब पाकल्यानाही लाजवतो

वाटत प्रत्येक क्षणी ,
तू आहेस चमत्कारांचा भांडार
माझ्यासाठी घडवलेला देवाने
खास अन सुंदरसा अविष्कार ...